 |
23. - 30. mai 2010 |
 |
|
Folkemusikkmesse Magelsen, Lien Myhr og Gundersen.jpg "kyrkje2") FOLKEMUSIKK OG GUDSTENESTE I ÅL KYRKJE.Ål kyrkje har fått stønad frå Norsk Kulturråd til eit treårig prosjekt, der det skal bli brukt folkemusikk i sundagens gudstenester. For kyrkja er det viktig å byggje på røter og tradisjonar i bygda og på den måten finne funksjonelle og varige koplingar mellom folkemusikk og gudstenesteliturgi. Kyrkja ynskjer å spele på lag med lokale musikarar, slik at det kan stimulere både kultur- og kyrkjeliv i bygda. Det er og eit mål å inspirere andre kyrkjer og lokalsamfunn til å gjera det same. Til no har det vore 9 folkemusikk-messer. 14 musikarar og 3 lokale kor har vore involvert. Religiøse folketonar blir nytta til salmesong og solo. Det har vorte brukt folkemusikk til pre-og postludium, takkoffer- og nattverdmusikk. Fele, trekkspell, lur, bukkehorn, langeleik, kantele, kveding, seljefløyte og andre fløyter fell naturleg inn mellom orgeltonar og liturgiske ledd. Kyrie og Gloria har vorte erstatta med melodiar av Jo Asgeir Lie. Gloria i pols indikerer at det er rom for fleire taktartar under kyrkjetaket. Prosjektet vekkjer interesse langt utover bygda. Lokalt har responsen til no vore overveldande og samstemt. Seminar 21.-22. mai. Under folkemusikkveka blir det eit seminar om Folkemusikk og Gudsteneste. Me trur det er interessant både for utøvande folkemusikarar, organistar, prestar og andre. Det er viktig å gjera innhaldet praktisk og matnyttig, slik at det blir ein plass å hente impulsar og til å utveksle idear. Henning Sommerro, Brazz Brothers, Arve Brunvoll og Jørund Midttun er gode tilreisande namn. Elles får me høyre Jo Asgeir Lie, Olav Luksengård Mjelva, Gunnlaug Lien Myhr, Eilif Gundersen, Hallgrim Berg, Kjellfred Dekko, Øystein Magelssen og Audun Flaen. Mellom seminarbolkane blir det sjølvsagt ei folkemusikkmesse. |
||
 |
|
|
Utvikla av BeWide Technologies
Publisert med WideCMS