 |
23. - 30. mai 2010 |
 |
|
Egil Syversbråten og Aslak Opsahl BrimiEgil Syversbråten Egil Syversbråten er oppvaksen i Hemsedal, og er tredje generasjons hardingfelespelar. Han er ein av Hallingdals mest ettertrakta spelemenn, og vert halden svært høgt. Egil er ein utøvar som har gått i tradisjonslære hjå fleire kjende spelemenn, mellom andre Odd Bakkerud, Øyvind Brabant og Jens A. Myro. Dei seinare åra har han arbeidd med fordjuping i tradisjon gjennom lydopptak (voksrull/band) av ikkje nolevande kjelder. Han er tildelt fleire prisar, m.a. Øyvind Berghs minnepris (´93) og Norsk Folkemusikkfond sin pris (´97). I tillegg kan han vise til fleire topplasseringer i kappleik samanheng. Han har hatt solokonsertar på alle dei store folkemusikkfestivalane i Noreg samt i Sverige og Finland. Han har også samarbeidd med mellom andre Knut Reiersrud, Drammen Byorkester og Erik Wøllo. Aslak Opsahl Brimi Aslak Opsahl Brimi (født 1983) er oppvaksen i Garmo i Lom. Han er født inn i ein folkemusikkfamilie, og både far Rolv og bestefar Hans W. spelte fele. Aslak starta med felespel hjå far sin som 8-9 åring, og fekk etterkvart Bjørn Odde som læremeister. Det er slåttetradisjonen i Ottadalen som er musikken til Aslak, og det er det som kjem fram på debutplata Blå september. Det er og særs viktig for han å vidareføre musikken og spelestilen som bestefaren Hans W. Brimi stod for. Etter at Aslak starta å stille på kappleikar i 1999, har han fleire gode plasseringar å vise til. Han vann C-klassa på fele på Rauland i 2001, og B-klassa på Gjøvik året etter. I A-klassedebuten i Eidfjord 2004 kom han til finalespelet, og vart til slutt nr 2, og fjor sumar vann han den gjevaste klassa som ein av dei yngste nokon gong! |
||
 |
|
|
Utvikla av BeWide Technologies
Publisert med WideCMS